ka-set - Site d'information sur le Cambodge - ស្តេហ្គូស័រនៅសម័យអង្គរ រឺ តើបណ្តាញអ៊ិនធើណេត បង្កើតទេវកថាខ្មែរថ្មីមួយយ៉ាងដូចម្តេច?

ថ្ងៃ សុក្រ 21 វិច្ឆិកា 2008
ម៉ោង 00:32 (ភ្នំពេញ)

កាសែតគឺជាវ៉ិបសាយព័ត៌មានឯករាជ្យដែលចេញផ្សាយ ប្រចាំថ្ងៃជាភាសាបារាំង និង ខ្មែរស្តីអំពីប្រទេស កម្ពុជានិងប្រជាជនកម្ពុជានៅក្រៅប្រទេស ។

ទិនានុលេខន៍

Ceux Qui Marchent Debout (concert)
→ វិច្ឆិកា 21 @06:00 - :0900:

Danses Apsara
→ វិច្ឆិកា 21 @07:00 - :0800:

"Sauvez l'�cosyst�me" (documentaires)
→ វិច្ឆិកា 21 @08:00 - :1000:

50e anniversaire d'Enfants du M�kong (Paris)
→ វិច្ឆិកា 22 - វិច្ឆិកា 22

L'oiseau de paradis
→ វិច្ឆិកា 22 @04:00 - :0531:

សូមអានទិនានុលេខន៍
ទាំងមូល

សញ្ញាសម្គាល់

ប្រាសាទព្រះវិហារ ប្រវត្តិសាស្រ្តខ្មែរ ស្ថាប័ននយោបាយ សវនាការកាត់ទោស
ខ្មែរក្រហម

ទទួលព័ត៌មានតាមអ៊ីមែល

សូមលោកអ្នកទទួលអត្ថបទថ្មីៗ

តាមរយៈទូរសាអេឡិចត្រូនិច

យើងខ្ញុំ

អំពីយើងខ្ញុំ កតិកាសញ្ញាផ្សាយព័ត៌មាន ផ្សាយពាណិជ្ជកម្ម

ស្តេហ្គូស័រនៅសម័យអង្គរ រឺ តើបណ្តាញអ៊ិនធើណេត បង្កើតទេវកថាខ្មែរថ្មីមួយយ៉ាងដូចម្តេច?

ដោយ ឡូរ៉ង់ ឡឺហ្គូអង់វិក

19-08-2008

ការពិភាក្សាមិនមែនកើតមានឡើងនៅពេលអតីតកាលនោះទេ ហើយជាទូទៅ ការពិភាក្សាគ្នានេះបានបង្កើតជាវេទិកាដ៏លីលា តិចរឺច្រើនមួយ ពាក់ព័ន្ធនឹង «ភាពអាថ៌កំបាំង» និង «ភាពចម្លែក» នៃពិភពផែនដីដ៏ចំណាស់របស់យើងមួយនេះ។ វេទិកាមួយនេះពិភាក្សាលើប្រធានបទមួយ គឺ តើស្តេហ្គូស័រ (ពូជសត្វដាយណូស័រមួយប្រភេទដែលបានផុតពូជ កាលពី១៤០លានឆ្នាំមុន) មានជីវិតនៅសម័យអង្គរ ដែលសំបូរទៅដោយប្រាង្គប្រាសាទជាច្រើន កសាងនៅចន្លោះសតវត្សទី៩ ដល់សតវត្សទី១៤ ដែររឺទេ?

ទោះបីជាសំណួរ ដែលហាក់បីដូចជាគួរអោយអស់សំណើចយ៉ាងខ្លាំងនេះ មិនសូវទាក់ទាញចំណាប់អារម្មណ៍អ្នកទេសចរភាគច្រើនរាប់លាននាក់ ក៏ដោយ ក៏សំណួរនេះនៅតែជាដើមចមនៃការវែកញែកពិភាក្សាដ៏កក្រើកនៅក្នុងពិភព កំណត់ហេតុបណ្តាញតូចមួយ(blog)។ តាមរយៈពិភពនៃការពិត រឺភាពកំប្លែងដែលធ្វើអោយប៉ះពាល់ មជ្ឈធាតុនិយម* និងទ្រឹស្តីបង្កើតសត្វលោកបានបង្ហាញអំណះអំណាង ជុំវិញរូបចម្លាក់ប្រវែងជាង១០សង់ទីម៉ែត្រមួយ នៅលើជញ្ជាំងប្រាសាទតាព្រហ្ម។ នេះគឺជាទស្សនៈយល់ឃើញរបស់វិបសាយនៅក្នុងពិភពមួយដែលមិនអាចពន្យល់ បាន ឆ្ងាយពីប្រទេសកម្ពុជា…

រូបថតនៅលើបណ្តាញអ៊ិនធើណេត
សត្វស្តេហ្គូស័រ គឺជាពូជសត្វដាយណូស័រតិណាសី (ដែលស៊ីស្មៅជាអាហារ) នៃយុគសម័យភូគព្ភសាស្រ្ត (យុគសម័យបុរាណចាប់ពី ២០០ទៅ១៤០លានឆ្នាំមុនគ្រឹស្តសករាជ) ដែលរស់នៅចន្លោះឆ្នាំ ១៥៦ ទៅ១៤០លានឆ្នាំមុនគ្រឹស្តសករាជ។ សត្វប្រភេទនេះបានបង្រៀនយើងយ៉ាងច្បាស់នៅលើវិបសាយពហុចំណេះដឹង អង់កាតា (Encarta) ។ គ្មានអ្វីដែលត្រូវមើល ក្រៅអំពីចង្វាក់ភ្លេងដ៏សែនកំសត់ ជាមួយនឹងប្រាសាទបុរាណខ្មែរសម័យអង្គរ ដែលយោងតាមអ្នកប្រវត្តិសាស្រ្ត ត្រូវបានកសាងឡើងនៅចន្លោះសតវត្សទី៩ និងទី១៤។ រូបថតតែមួយដែលផ្សព្វផ្សាយលើបណ្តាញអ៊ិនធើណេតនៅឆ្នាំ២០០៥ គឺគ្រប់គ្រាន់ ដើម្បីបណ្តុះផ្នត់គំនិតអ្នកប្រើប្រាស់អ៊ិនធើណេត ដែលគ្មានគំនិតអ្វីថ្មីក្រៅពីសត្វដ៏ស្អាតមួយនេះ។ យោងតាមអ្នកឯកទេសសិក្សាលើសារព៌ាង្គកាយសត្វ សត្វស្តេហ្គូស័រមានទម្ងន់ជិតពីរតោន និងមានបណ្តោយប្រហែលជា៧ម៉ែត្រ ហើយវាមានទំនាក់ទំនងយ៉ាងជិតស្និទ្ធិជាមួយអ្នកកសាងក្រុងអង្គរ។

រូបថតមួយ នេះត្រូវបានថតជាច្រើនដង ហើយវាតំណាងនូវរូបចម្លាក់លើជញ្ជាំងប្រាសាទតាព្រហ្ម ដែលកសាងនៅសតវត្សទី១២។ តាព្រហ្មគឺជាប្រាសាទមួយក្នុងចំណោមប្រាសាទខ្មែរដែលទាក់ទាញបំផុត ដែលនៅទីនោះ ឫសឈើដុះលើថ្ម រំលេចចេញជារូបរាងសត្វចម្លែកមួយក្បាល។ អ្នកខ្លះថាជាសត្វរមាស អ្នកខ្លះទៀតថាជាសត្វម្យ៉ាងដែលគ្មានរូបរាងច្បាស់លាស់ រឺជាជ្រូកព្រៃដែលផុតពូជ ចំណែកអ្នកផ្សេងទៀតថាជាសត្វទេវកថា…។ អ្នកបង្កើតកំណត់ហេតុបណ្តាញបានអះអាងយ៉ាងប្រត្យក្សថា ទាំងនេះសុទ្ធតែមិនត្រឹមត្រូវ តាមការពិត រូបភាពទាំងនេះពិតជាតំណាងអោយសត្វដាយណូស័រមួយយ៉ាងពិតប្រាកដ ហើយកាន់តែច្បាស់ជាងនេះទៅទៀតនោះគឺជាសត្វស្តេហ្គូស័រ។ អ្នកបង្កើតកំណត់ហេតុបណ្តាញដែលស្និទ្ធិនឹងតារាវិថីនៃទ្រឹស្តី បង្កើតសត្វលោក [ចលនាសាសនាដែលជឿថាព្រះជាអ្នកបង្កើតផែនដី រួមទាំងសត្វ និងរុក្ខជាតិទាំងអស់ ក្នុងរយៈពេលប្រាំមួយថ្ងៃ ដោយយោងតាមទេវកថារបស់គម្ពីរលោកុប្បត្តិ ដែលផ្ទុយទៅនឹងទ្រឹស្តីបដិវត្តន៍របស់ដាវីន(Darwin)] បានគូររូបតំណាង «សត្វស្តេហ្គូស័រសម័យអង្គរ»នេះឡើង។ ការស្រាវជ្រាវបែបវិទ្យាសាស្រ្តមួយលើការរស់នៅជាមួយគ្នារវាងសត្វ ដាយណូស័រ និងមនុស្ស បានបង្ហាញថារូបចម្លាក់លើជញ្ជាំងប្រាសាទមិនមែនជារូបភាពតំណាងអោយ ការពិតនោះទេ ហើយការបកស្រាយនេះត្រូវបានទទួលស្គាល់ពីសំណាក់ដាវីននិយម។ សហគមន៍វិទ្យាសាស្រ្តបានវាយតម្លៃថាពូជសត្វដាយណូស័រចុងក្រោយបាន ផុតពូជ កាលពី៦៥លានឆ្នាំមុន ខណៈពេលដែលមនុស្សបានចាប់ផ្តើមកំណើតដំបូង កាលពីប្រមាណ២០០ ០០០ឆ្នាំមុន។

ប្រវត្តិសាស្រ្តអាមេរិកនិយាយពីគម្ពីរលោកុប្បត្តិ និងដាយណូស័រ
លោក Kenneth Cole ដែលចំណាយពេលវេលាលើការងារស្រាវជ្រាវដ៏សំខាន់នេះ បានសរសេរអត្ថបទមួយដែលមានចំណងជើងថា «ភស្តុតាងសត្វដាយណូស័រសម័យអង្គរ» ដែលត្រូវបានចេញផ្សាយនៅឆ្នាំ២០០៧ លើវិបសាយសាសនាគ្រឹស្តបង្កើតសត្វលោករបស់ទស្សនាវដ្តីសាសនាឈ្មោះ “Answer in Genesis “។ លោកមិនរវល់នឹងរឿងអ្វីទាំងអស់។ លោកបានធ្វើអត្ថាធិប្បាយផ្ទាល់ខ្លួនមួយ។ អ្វីដែលយើងឃើញគឺជាប្រជុំពពួកសត្វផ្សេងៗរួមគ្នា ដូចជាជ្រូក ស្វា គោ ពស់ ហើយនឹងសត្វដាយណូស័រមួយ! មិនមានសត្វទេវកថាណាមួយនៅក្នុងចំណោមពពួកសត្វទាំងនេះទេ ហើយករណីនេះអាចទាញចេញជាសេចក្តីសន្និដ្ឋានដ៏សមហេតុផលមួយបាន ថារូបចម្លាក់តំណាងទាំងនេះអាចបញ្ជាក់អោយយើងដឹងថាប្រជាជន ខ្មែរបុរាណនៅសតវត្សទី១២ បានស្គាល់សត្វទាំងនេះយ៉ាងច្បាស់។ មានន័យថាត្រឹមរយៈពេលជាង៨០០ឆ្នាំមុននេះប៉ុណ្ណោះ សត្វដាយណូស័រប៉ុន្មានក្បាលអាចនឹងរស់នៅក្នុងតំបន់នៃប្រទេស កម្ពុជា»។ លោក Cole បានសន្និដ្ឋានថា «របបគំហើញ» បានចោទជាបញ្ហាយ៉ាងស្មុគស្មាញ ហើយលោកបានប្រញាប់សូត្រព្រះគម្ពីរប៊ីប (Bible គម្ពីររបស់សាសនាគ្រឹស្ត) ថា «ជាការពិតណាស់ របបគំហើញនេះពិតជាមិនបានបង្កជាការភ្ញាក់ផ្អើលនៅក្នុងទ្រឹស្តី បង្កើតសត្វលោកនៃព្រះគម្ពីរប៊ីបនោះទេ ព្រោះតាមរយៈគម្ពីរលោកុប្បត្តិ យើងដឹងថាសត្វរស់នៅលើគោក (ដូចជាដាយណូស័រជាដើម) និងមនុស្ស បានរស់នៅជុំគ្នា តាំងពីដើមកំណើតផែនដីមកម្ល៉េះ ហើយតំណាងសត្វលើដីនីមួយៗ (ឧទាហរណ៍ ដាយណូស័រ) ត្រូវបានជួយសង្គ្រោះនៅលើ Arche de Noë ដើម្បីមានជីវិតរស់នៅម្តងទៀតលើផែនដី បន្ទាប់ការបំផ្លាញពិភពលោកដោយទឹកជំនន់របស់ព្រះជាម្ចាស់ កាលពី៤៣០០ឆ្នាំមុន» ...អាមេន។

គ្រប់យ៉ាងសុទ្ធសឹងជា អំណៈអំណាងដ៏ម៉ត់ចត់ អ្នកនិពន្ធអត្ថបទមួយស្តីពីប្រធានបទតែមួយនេះ ដែលចេញផ្សាយនៅលើវិបសាយនៃទ្រឹស្តីបង្កើតសត្វលោក Blible.ca ត្រៀមនឹងបញ្ជាក់ថា វាគឺជារូបតំណាងអោយសត្វដាយណូស័រមួយក្បាល តែលើកនេះ មានលក្ខណៈ«បែបវិទ្យាសាស្រ្ត» ដោយសំអាងលើរូបថតនិងរូបគំនូរ។ លោកបានអះអាងថាលោកធ្លាប់បានស្នើទៅកាន់សាកលវិទ្យាល័យជាច្រើន ដើម្បីអោយនិស្សិតគូររូប «ស្តេហ្គូស័រសម័យអង្គរ» ជាសិល្បៈក្រាហ្វិច ទុកជាអនុស្សាវរីយ៍។ ជាលទ្ធផល គេទទួលបានរូបគំនូរជាងដប់ ដែលក្នុងនោះមានរូបគំនូរមួយដូចនឹង «សត្វស្តេហ្គូស័រសម័យអង្គរ» បេះដាក់… ពិតជាមិនគួរអោយជឿ? «ទ្រឹស្តីនៃការបង្កើតសត្វលោកបែបវិទ្យាសាស្រ្ត» បានបន្តការអះអាងរបស់ខ្លួន ដោយគូររូបគោលឡើងវិញ ចេញជារូបរាងស្តេហ្គូស័រ «ដែលត្រូវបានប្រើប្រាស់ប៉ុន្មានឆ្នាំមកហើយ ហើយគាត់បានកាត់តរូបក្មួយស្រីរបស់គាត់ដាក់ចូលក្នុងរូបរាង សត្វស្តេហ្គូស័រនេះផងដែរ។ រូបគំនូរប្រហាក់ប្រហែលទៅនឹងរូបចម្លាក់លើជញ្ជាំងប្រាសាទនេះ (ជារូបគំនូរស្តេហ្គូស័រ មិនមែនជារូបក្មួយស្រី) ត្រូវបានទទួលនូវការកោតស្ញប់ស្ញែងជាទីបំផុត។ ជាមួយនឹងអត្ថបទដកស្រង់ចេញពីសៀវភៅមគ្គុទេស៍ទេសចរណ៍ និងសៀវភៅពហុចំណេះដឹង ហើយនឹងឯកសារពិគ្រោះពីរបី នៅសាលាបារាំងចុងបូព៌ា អ្នកនិពន្ធរូបនេះសង្ឃឹមថានឹងបញ្ចប់ការពិភាក្សានេះ៖ អាដាម និងនាង អេវ៉ា បានប្រឡែងគ្នាយ៉ាងសប្បាយរីករាយនៅសួនច្បារអេដេន ក្បែរសត្វស្តេហ្គូស័រដ៏ស្លូតបូត ហើយសកម្មភាពដូចគ្នានេះ បានកើតមានឡើងជាមួយនឹងជនជាតិខ្មែរសម័យអង្គរ ហើយពួកគេមានគំនិតដ៏ល្អ ក្នុងការឆ្លាក់រូបតំណាងសត្វតិណាសីដ៏ធំដែលជាមិត្តភក្តិរបស់ពួកគេ ដើម្បីទុកជាភស្តុតាងសម្រាប់មនុស្សជំនាន់ក្រោយ…

ជាភ័ព្វសំណាង ល្អ វិបសាយសំបូរទៅដោយមជ្ឈធាតុនិយមគ្រប់ប្រភេទទាំងអស់ ហើយការកត់សម្គាល់របស់វិបសាយក៏មានភាពម៉ាត់ៗ ដូចជាធ្មេញសត្វទីរ៉ាន់ណូស័រផងដែរ។ យើងនឹងស្វែងយល់ពីព័ត៌មានលំអិតនៃការសិក្សាវិទ្យាសាស្រ្តរបស់អ្នក ឯកទេសសិក្សាលើសារព៌ាង្គកាយសត្វ និងអ្នកបុរាណវិទ្យា ដែលបានធ្វើអោយទេវកថាថ្មីនៃស្តេហ្គូស័រសម័យអង្គរបានលេចល្បីសុសសាយ យ៉ាងឆាប់រហ័ស រឺមួយក៏ស្វែងយល់ពីគំនិតផ្ទុយដែលលោកGreg Neyman បានប្រឆាំងទៅនឹងទ្រឹស្តីបង្កើតសត្វលោក នៅលើវិបសាយសាសនាគ្រឹស្តឈ្មោះ Answer in creation (មិនមែនជាទ្រឹស្ត្តីបង្កើតសត្វលោក)។ គោលបំណងវិបសាយនេះគឺសុខដុមនីយកម្ម «គម្ពីរប៊ីប និងវិទ្យាសាស្រ្ត ដោយមិនមានជម្លោះ» ដើម្បីចងចាំតែការធ្វើអធិប្បាយនៃមជ្ឈធាតុនិយមខ្លះ ដែលស្រួយស្រើបបំផុតប៉ុណ្ណោះ។

អ្នកប្រើប្រាស់អ៊ិនធើណេតម្នាក់ បានបន្ថែមទៀតថា «តាមការពិត សត្វតូចនេះមានរូបរាងដូចទៅនឹងស្តេហ្គូស័រមួយ...។ ប៉ុន្តែ នៅពេលខ្ញុំឃើញដុំពពកជារូបរាងទន្សាយ ខ្ញុំមិនបានបកស្រាយថាជារូបសត្វទន្សាយដ៏ធំមួយក្បាលដែលហោះនៅលើ អាកាសនោះទេ»។ អ្នកប្រើប្រាស់ផ្សេងទៀតបានចោទសួរថា «ខ្ញុំស្រមៃថាមនុស្សនៅសតវត្សទី៣០ នឹងរកឃើញកាតប៉ូស្ទ័រ រឺបន្ទះ DVD រឿងកុនកាប់ចាក់ ។ តើគេអាចធ្វើការបកស្រាយយ៉ាងដូចម្តេច?

[ថយក្រោយ]

អត្ថបទបន្ថែម

ស្តីពី «សត្វស្តេហ្គូស័រសម័យអង្គរ»
-រូបថតនៃរូបចម្លាក់លើជញ្ជាំងប្រាសាទតាព្រហ្ម នៅលើវេទិកា Livejournal.com រឺវិបសាយCryptoMundo
-រូបថតនៃការផ្សងព្រេងរបស់ភោជនីយដ្ឋាន «Goody Saurus » (សត្វបង្កួយដ៏ស្អាត) នៅខេត្តសៀមរាប ដែលមានរូបសញ្ញា «សត្វស្តេហ្គូស័រសម័យអង្គរ»។

ស្តីពីស្តេហ្គូស័រ ខ្លីៗ
-ផ្ទាំងទស្សនីយភាពរូបថតជាសម្លេង ស្តីពីសត្វដាយណូស័រ ដែលផ្សព្វផ្សាយនៅលើវិបសាយ Internaute ។ ស្តេហ្គូស័រត្រូវបានបង្ហាញនៅលើវិបសាយនេះ ដូចជា«អ្នកច្នៃប្រឌិតបង្កើតផ្ទាំងស្រូបពន្លឺព្រះអាទិត្យ» ព្រោះសត្វនេះបានប្រើប្រាស់ផ្លាកឆ្អឹងនៅលើខ្នង ដើម្បីចាប់យកកំដៅព្រះអាទិត្យ រឺ ស្រូបខ្យល់ និងគ្រប់គ្រងសីតុណ្ហភាពក្នុងខ្លួន»។
-អត្ថបទខ្លី ជាភាសាបារាំង និងរូបភាពនៅលើវិបសាយវីគីភីឌា

ស្តីពីទ្រឹស្តីបង្កើតសត្វលោក «សម័យទំនើប»
-ឯកសារលំអិតស្តីពីការវិវិត្តន៍នៃទ្រឹស្តីបង្កើតសត្វលោក ចេញផ្សាយដោយសហភាពជាតិនៃសមាគមការពារគ្រួសារនិងជនរងគ្រោះពីសាសនា ។ អ្នកនិពន្ធបានវិភាគពីឫសគល់នៃចលនានេះ ជាពិសេសហិរញ្ញវត្ថុ និងទំនាក់ទំនងរបស់សមាគមជាមួយនឹងបណ្តាញសាសនា។
-«Inquiétante offensive des créationnistes américains» (ការវាយប្រហារដ៏គួរអោយព្រួយបារម្ភនៃទ្រឹស្តីបង្កើតសត្វលោកអាមេរិក) ការស្រាវជ្រាវរបស់ Corine Lesnes ចេញផ្សាយនៅថ្ងៃទី២៧ មេសា ២០០៥ នៅក្នុងសារព័ត៌មានប្រចាំថ្ងៃ ឡឺម៉ុងដ៍ Le monde ។ អ្នកយកព័ត៌មានបានគូសបញ្ជាក់ជាពិសេសពីលទ្ធផលនៃការស្ទាបស្ទង់មួយ នៅឆ្នាំ២០០៤ ដែលក្នុងនោះ ជនជាតិអាមេរិកកាំង៥៥% ជឿថា «ព្រះជាអ្នកបង្កើតមនុស្ស ជារូបរាងសព្វថ្ងៃនេះរបស់ពួកគេ»។

-នៅលើវិបសាយ Laboratoire de zététique de l’Université des Sciences de Nice

-នៅលើវិបសាយ Angkor-Planet មានបង្ហាញប្រាសាទល្បីៗជាច្រើន ជារូបភាព ៣D។ វិបសាយនេះក៏មានវចនានុក្រម បារាំង-ខ្មែរ និងខ្មែរ-បារាំងផងដែរ។

សូមអានអត្ថបទនៅលើវិបសាយរបស់កាសែត

-ប្រាសាទព្រះវិហារៈ វីគីភីឌា(Wikipedia) ទំព័រថ្មីនៃ សង្គ្រាមរវាងប្រជាជនកម្ពុជានិងថៃ

ដំណឹងថ្មីៗ

បណ្ណសារនៃដំណឹងថ្មីៗ

វិភាគ

ជុំវិញភាពតានតឹងរវាងកម្ពុជា-ថៃ

លោកបណ្ឌិតរ៉ាអ៊ូល ម៉ាកជែនណារ៍ នឹងលើកយកមកបង្ហាញឡើងវិញនូវបញ្ជីកិច្ចព្រមព្រៀង សន្ធិសញ្ញា និងអនុសញ្ញាដែលត្រូវបានចុះហត្ថលេខាក្នុងអំឡុងសតវត្សចុងក្រោយនេះ ហើយបើតាមរូបលោក វាបញ្ជាក់ពីអធិបតេយ្យភាពរបស់កម្ពុជានៅលើតំបន់ព្រះវិហារ។ សព្វថ្ងៃ តំបន់ព្រះវិហារនេះកំពុងរងការតវ៉ាមិនសុខចិត្តពីប្រទេសថៃ។

គ្រប់ការវិភាគទាំងអស់

ហេតុអ្វីខ្ញុំសរសេរសៀវភៅនេះ ?

លោកស្រីគីម សត្ថាវី ចៅក្រមនៃតុលាការកំពូលកម្ពុជា និងជាអតីតនាយិកាសាលាភូមិន្ទចៅក្រម រៀបរាប់នៅក្នុងសៀវភៅ«យុវភាពបាក់បែក» (បោះពុម្ពផ្សាយក្នុងឆ្នាំនេះដោយគ្រឹះស្ថានបោះពុម្ព Actes Sud ) អំពីការជាប់ឃុំរបស់លោកស្រីនៅក្នុងជំរំការងាររបស់ពួកខ្មែរក្រហម។

ការប្រារព្ធខួបថ្ងៃ៤-៥មិថុនា គឺជាការរក្សារឿង ប្រឌិតមួយ

វ៉ិបសាយគួរឱ្យចាប់អារម្មណ៍

ចង្វាក់រ៉ុកខ្មែរបានកើតមានឡើងវិញនៅលើ ទំព័រអ៊ីនធឺណែត

បច្ចុប្បន្ននេះ គេសង្កេតឃើញថា តារាចម្រៀងពេញនិយមបានបង្ហាញមុខមាត់នៅតាមកញ្ចក់ទូរទស្សន៍នានា តែរយៈពេលមួយដ៏ខ្លីប៉ុណ្ណោះ ដោយសារយុវវ័យខ្មែរនៅតែបន្តស្តាប់បទចម្រៀងចាស់ៗ នាទសវត្សទី៦០ ដែលមានសាច់ភ្លេងជាចង្វាក់រ៉ុកខ្មែរដ៏សែនពិរោះរណ្តំ។

សុបិនរបស់ជនជាតិអាមេរិកត្រូវបាន លក់ទៅអោយ ជនអន្តោប្រវេសន៍ដើម កំណើតកម្ពុជាៈ ល្បិចកលឆបោកជា លក្ខណៈទ្រង់ ទ្រាយធំត្រូវបានបញ្ចប់

អស់រយៈពេលជាង៨ឆ្នាំ បន្ទាប់សកម្មភាពឆបោកនៃក្រុមមេខ្លោងបោកប្រាស់ដ៏ល្បីល្បាញបីរូបនៅ សហរដ្ឋអាមេរិក មកលើប្រជាជនអាមេរិកដើមកំណើតខ្មែររស់នៅសហរដ្ឋអាមេរិក មេខ្លោងចុងក្រោយត្រូវបានកាត់ទោសដោះលែងនៅក្រៅ ឃុំក្រោមការត្រួតពិនិត្យរយៈពេលប្រាំឆ្នាំ កាលពីដើមខែសីហាកន្លងមកនេះ។ រយៈពេលមួយឆ្នាំដំបូងនៃទោសនេះ ជនល្មើសត្រូវជាប់ឃុំខ្លួននៅគេហដ្ឋាន តាមសេចក្តីសម្រេចរបស់ចៅក្រមសហព័ន្ធបូស្តុន (រដ្ឋម៉ាសាឈូសេត សហរដ្ឋអាមេរិក)។

គ្រប់វិបសាយទាំងអស់

សំណួររបស់លោកអ្នក

"តើលោកអ្នកមានសំនួរឬ ?"

សូមចោទសំនួរលោកអ្នកមកកាន់កាសែត។ យើងខ្ញុំនឹងព្យាយាមឆ្លើយសំនួរទាំងនេះ នៅក្នុងអត្ថបទលើកក្រោយរបស់យើងខ្ញុំ។

រក្សាសិទ្ធិ ka-set.info | តើយើងខ្ញុំជានរណា? | លក្ខខណ្ឌក្នុងការប្រើប្រាស់ | ទាក់ទងយើងខ្ញុំ

កាសែត សូមរក្សាសិទ្ធិគ្រប់យ៉ាងរាល់ការយកព័តមានលើវិបសាយនេះទៅផ្សព្វផ្សាយបន្ត