| អព្ភូតហេតុអស្ចារ្យក្នុងនយោបាយ រឺត្រូវបង្កើនអាសនៈសភា |
| ααα កាសែត | |
| 04-07-2008 |
ប្រជាប្រិយភាពសម្រាប់គណបក្សនយោបាយដែលបិទប័ណ្ណឃោសនាជាប់ល្អ
ស្រ្តីរស់នៅទីក្រុងភ្នំពេញម្នាក់បានអោយដឹងថា «ថ្ងៃទីមួយនៃយុទ្ធនាការ ឃោសនាបោះឆ្នោត គណបក្សប្រជាជនកម្ពុជាបានមកបិទខិត្ត ប័ណ្ណឃោសនា នៅលើជញ្ជាំងផ្ទះរបស់ ខ្ញុំ ។ ខ្ញុំក៏បានបកខិត្តប័ណ្ណទាំងនោះចេញភ្លាមយ៉ាង ឆាប់រហ័ស ក្រោមក្រសែភ្នែកមិនពេញចិត្តពីសំណាក់អ្នកដែលបានដើរមកបិទ។ ថ្ងៃនេះ គណបក្សសម រង្ស៊ីបានមកបិទម្តង។ លើកនេះ ខ្ញុំត្រូវចំណាយពេល ២៥នាទី ទើបអាចបកខិត្តប័ណ្ណទាំងនោះចេញអស់! ខ្ញុំនិយាយថា កាវរបស់ ពួកគេស្អិតជាប់ល្អជាងកាវរបស់គណបក្សប្រជាជន! ខ្ញុំរង់ចាំវេនរបស់គណបក្សសិទ្ធិមនុស្ស ដើម្បីធ្វើការប្រៀបធៀបពីគុណភាពកាវរបស់ពួកគេ ហើយខ្ញុំនឹងសម្រេចចិត្តថានឹងបោះឆ្នោតអោយគណបក្សនយោបាយណាដែល អាចបិទខិត្តប័ណ្ណផ្សព្វផ្សាយបាន «ជាប់ល្អជាងគេ»!!!»។
អព្ភូតហេតុអស្ចារ្យក្នុងនយោបាយ រឺត្រូវបង្កើនអាសនៈសភា
យើងបានស្តាប់លឺការប្រកាសរបស់ប្រធានគណបក្សនយោបាយមួយចំនួន ដែលមានជំនាញក្នុងសន្យានេះសន្យានោះ ជាហូរហែរមិនចេញដាច់។ តើគណបក្សនយោបាយអាចឈានដល់ការបង្កើនអាសនៈតំណាងរាស្រ្តបានដែរ រឺទេ? តាមការរំពឹងទុករបស់មេដឹកនាំគណបក្សផ្សេងៗ តំណាងរាស្ត្រអាណត្តិក្រោយនឹងកាន់តែចង្អៀត។ ជៀម យៀប បានគាំទ្រថាគណបក្សរបស់លោក គឺគណបក្សប្រជាជនកម្ពុជានឹងទទួលបាន៨២កៅអី នៅក្នុងរដ្ឋសភា នៅក្នុងការបោះឆ្នោតថ្ងៃទី២៧ កក្កដាខាងមុខនេះ។ លោក កឹម សុខា គិតថាការបោះឆ្នោតខាងមុខ លោកនឹងទទួលបាន «យ៉ាងហោចណាស់ជាង៥០កៅអី» ។ លោក គឹម វាសនា ប្រធានគណបក្សសម្ព័ន្ធដើម្បី ប្រជាធិបតេយ្យរំពឹងថានឹងទទួលបាន៥កៅអី ខណៈពេលលោកបាន សុផល ដែលមិនសូវជាមានមហិច្ឆតាខ្ពស់ បាននិយាយថាយ៉ាងហោចណាស់បានមួយកៅអី នៅខេត្តបាត់ដំបង។ សរុបមក អាសនៈទាំងអស់មានចំនួនដល់ទៅ១៣៨ ខណៈពេលដែលរដ្ឋសភាជាតិមានត្រឹមតែ១២៣កៅអីប៉ុណ្ណោះ។ ប្រសិនជាគេបន្ថែមចំនួនអាសនៈ អញ្ចឹងក្តីស្រមៃ របស់គណបក្សសមរង្សីដែលគិតថាខ្លួននិងឈ្នះ គណបក្សហ៊្វុនស៊ីនប៊ិច គណបក្សនរោត្តមរណឫទ្ធិ ហើយរឿងនេះអាចនិងធ្វើអោយមានមនុស្សច្រើន លើសពីចំនួនកៅអីរបស់សភាដែលមាន «សួរថាតើនណាឈរ នណាអង្គុយ បើមានតំណាងរាស្រ្តច្រើនបែបនេះ?» ៕
|
