នៅតាមទីផ្សារ ហាងកាហ្វេ បវិវេណសាលាពេលចេញលេង រឺនៅតាមដងផ្លូវ ប្រជាពលរដ្ឋខ្មែរតែងតែនិយាយគ្នាអំពីរឿងនយោបាយ ដោយគ្មានការភិតភ័យ ជាមួយនឹងវោហារស័ព្ទដែលអ្នកនយោបាយត្រូវការ។ អ្នកយកព័ត៌មានរបស់ កាសែត  នឹងផ្តល់ជូនលោកអ្នក រហូតដល់ថ្ងៃទី២៧ ខែកក្កដា នូវព័ត៌មានពីនេះ ពីនោះ ដែលអ្នកទាំងនោះបាននិយាយ ជាមួយនឹងភាសាបែបសេរី និងរិះ​គន់​ចំពោះ​គណបក្សនយោបាយណាមួយ។
ប្រតិកម្ម​ចំពោះ «ពីនេះ ពីនោះ ជុំវិញការបោះឆ្នោត» រឺចង់ផ្តល់ព័ត៌មាន​របស់​លោក​​អ្នកមកកាន់យើងខ្ញុំ សូមទំនាក់ទំនងមកកាន់ការិយាល័យនិពន្ធរបស់កាសែត តាម​រយៈអ៊ីម៉ែល Cet e-mail est protΓ©gΓ© contre les robots collecteurs de mails, votre navigateur doit accepter le Javascript pour le voir

«ចំរៀងចំអកឡកឡើយអោយគណបក្សនយោបាយ»
ក្នុងពេលធ្វើយុទ្ធនាការឃោសនាបោះឆ្នោតថ្មីៗនេះ សិស្ស និស្សិត​នៅតាម​គ្រឹះ​ស្ថាន​សិក្សានានា និយមស្រែកច្រៀងលេងកំសាន្ត ចំអកឡក​ឡឺយ​អោយ​គណបក្សនយោបាយធំៗមួយចំនួន ថា៖
    «បោះឆ្នោតអោយលេខ៤ នាំយួនចូលស្រុក
    បោះឆ្នោតអោយហ៊្វុនស៊ិនប៉ិច ធ្វើការតិចស៊ីច្រើន
    បោះឆ្នោតអោយសម រង្ស៊ី ពន្លត់ភ្លើងអគ្គីសនី ប្រើភ្លើងទាន។»
តើនឹងអាចមានចំរៀងបែបនេះតទៅទៀតដែររឺទេ រហូត​ដល់ការ​ឃោសនា​បោះ​ឆ្នោត​ចប់?

«រឿងពិតចេញពីមាត់របស់ក្មេងៗ»
នៅពេលដែលក្បួនដង្ហែររបស់គណបក្សប្រជាជនដែលមានមនុស្សច្រើនកុះករ បានឆ្លងកាត់ភូមិមួយនៅក្នុងសង្កាត់ទឹកថ្លា កាលពីយប់ថ្ងៃពុធ ទី២ កក្កដា  ពួក​គេបានស្រែកជយឃោសគាំទ្រដល់គណបក្សប្រជាជនរបស់ខ្លួន ថា «ជយោ! គណបក្សប្រជាជនកម្ពុជា!!!»។ ទន្ទឹមនឹងក្បួន​ដង្ហែរមក​ដល់​ភូមិ​មួយ​នោះ ប្រជាជននៅក្នុងភូមិបានចូលរួមមើលអមនៅតាមផ្លូវ។ ជាមួយ​នឹង​ជយឃោស​ដែលស្រែកបន្លឺមិនដាច់តាមដងផ្លូវ ក្មេងស្រី​ម្នាក់ដែល​ឈរ​មើល​ក្បួន​ដង្ហែរ ក៏បានស្រែក​បន្លឺជាមួយនឹងអ្នកគាំទ្រគណបក្សប្រជាជននោះថា «ជយោ! គណបក្សប្រជាជនកម្ពុជា!!!» «បោះឆ្នោតអោយសម រង្ស៊ី»។ រំពេចនោះ ម្តាយដែលឈរនៅក្បែរកូនស្រី ក៏បានទះស្មាកូនស្រី កុំ​អោយ​ស្រែក​បន្តទៀត។