| សាលាក្តីខ្មែរក្រហមៈ បណ្តឹងជាលើកដំបូងរបស់ភាគី ដើមបណ្តឹងរដ្ឋប្បវេណី ពីបទឧក្រិដ្ឋកម្មរំលោភផ្លូវភេទ |
| ααα ស្ទេហ្វានី ហ្សេ | |
| 03-09-2008 |
រហូតមកទល់សព្វថ្ងៃនេះ គេមិនទាន់សង្កេតឃើញមានការស៊ើបអង្កេតណាមួយរបស់ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ពាក់ព័ន្ធនឹងបទឧក្រិដ្ឋកម្មរំលោភផ្លូវភេទ ដែលបានប្រព្រឹត្តនៅក្រោមសម័យខ្មែរក្រហមនោះទេ។ អ.វ.ត.ក បានបញ្ជាក់ជាគោលការណ៍ថា តុលាការនៅមិនទាន់មានភស្តុតាងគ្រប់គ្រាន់នៅឡើយ។ នៅថ្ងៃទីពុធ ទី ៣ កញ្ញានេះ ពាក្យបណ្តឹងជាលើកទីមួយស្តីពីឧក្រិដ្ឋកម្មរំលោភផ្លូវភេទរបស់លោកស្រី ស៊ូ សុធាវី ដើមបណ្តឹងរដ្ឋប្បវេណី ត្រូវបានប្រគល់ជូនដល់អង្គភាពជនរងគ្រោះនៃ អ.វ.ត.ក ហើយពាក្យបណ្តឹងនេះអាចនឹងធ្វើអោយមានការផ្លាស់ប្តូរស្ថានភាពឡើងវិញ។ មនុស្សភេទទីបីរូបនេះ (ខ្ទើយ ប្រុសធ្វើស្រី) បានរៀបរាប់ជាសាធារណៈអំពីដំណើរជីវិត និងសេចក្តីរងទុក្ខវេទនារបស់គាត់នៅសម័យខ្មែរក្រហម ក្នុងគោលបំណងធ្វើអោយសាធារណៈជនទទួលដឹងលឺ និងជម្រុញដល់ជនរងគ្រោះពីអំពើហឹង្សាផ្លូវភេទផ្សេងទៀត ព្រមទាំងតំណាងមនុស្សស្រឡាញ់ភេទដូចគ្នា អោយហ៊ានឡើងមកនិយាយបរិហារអំពើទង្វើរំលោភនោះ។
លោកស្រីត្រូវដាក់ទណ្ឌកម្មដោយពួកខ្មែរក្រហមពីបទខុសសីលធម៌និងធ្វើឫកពារជាមនុស្សស្រី
នៅថ្ងៃនេះ លោកស្រី ស៊ូ សុធាវី ស្លៀកពាក់យ៉ាងសមស្ងួនជាអ្នកថ្លៃថ្នូរ ជាមួយនឹងការពាក់សក់ក្លែងក្លាយវែងធ្លាក់ត្រឹមស្មា។ ស្ថិតនៅក្នុងក្រសែភ្នែកសំឡឹងត្រង់ទៅមុខយ៉ាងមោះមុត លោកស្រីបានមានប្រសាសន៍ទាំងអួលដើមកថា គាត់ «សប្បាយរីករាយយ៉ាងខ្លាំង» ដែលមានវត្តមាននៅទីនេះ ដើម្បីរៀបរាប់ពីដំណើរជីវិតរបស់ខ្លួន។
ស្រ្តីរូបនេះ បច្ចុប្បន្នមានវ័យ៦៨ឆ្នាំ ត្រូវជាប់ឃុំខ្លួនជាច្រើនលើកច្រើនសារ នៅសម័យកម្ពុជាប្រជាធិបតេយ្យ ព្រមទាំងត្រូវទទួលរងនូវការរំលោភជាច្រើនដងទៀតផង។ គាត់ត្រូវដាក់ទណ្ឌកម្មពីបទ «ខុសសីលធម៌» និងធ្វើឫកពារជាមនុស្សស្រី។ គាត់ត្រូវបង្ខំអោយរស់នៅដូចជាមនុស្សប្រុស ហើយអង្គការបានគំរាមសម្លាប់ បើសិនជាគាត់មិនព្រមរៀបការ និងរួមភេទជាមួយមនុស្សស្រី ដែលជាផ្នែកមួយនៃកាតព្វកិច្ចអាពាហ៍ពិពាហ៍។
«ខ្ញុំត្រូវបានប្រធានគុកចាប់រំលោភ ដោយមានកាំភ្លើងខ្លីភ្ជង់ក្នុងមាត់របស់ខ្ញុំ...។ បន្ទាប់មក ខ្ញុំត្រូវបានបញ្ជូនទៅកាន់ពន្ធនាគារមួយផ្សេងទៀត ដែលនៅទីនោះ ខ្ញុំត្រូវបង្ខំអោយធ្វើការយ៉ាងលំបាក ដូចជាវាយបំបែកថ្ម ដោយទទួលបានអាហារពីរពេល ក្នុងមួយសប្តាហ៍...។ គាត់បានបង្ហាញស្នាមរបួសមួយ ដែលគាត់បានរក្សាទុកជាអនុស្សាវរីយ៍ដ៏សែនខ្លោចផ្សា ដែលនៅតែបន្តធ្វើអោយគាត់ឈឺក្បាលវិលមុខជានិច្ច។
នៅថ្ងៃមួយ នៅពេលគាត់ត្រូវបានចាប់រំលោភជាបន្តបន្ទាប់ពីសំណាក់ពេជ្ឈឃាត គាត់ក៏បានសួរទៅកាន់ពួកគេថាហេតុអ្វីបានជាពួកគេធ្វើបាបបុរសម្នាក់។ «ពួកគេបានឆ្លើយប្រាប់ខ្ញុំវិញថាចម្លើយគឺវាសាមញ្ញបំផុត ព្រោះចាប់រំលោភបុរសមានភាពងាយស្រួលជាង ហើយវាមិនត្រូវបានចាត់ទុកជាបទឧក្រិដ្ឋ។ ដូច្នេះ ពួកគេនឹងមិនមានការព្រួយចំពោះការប្រព្រឹត្តិរបស់ខ្លួន»។ លោកស្រីស៊ូ សុធាវី បានចាកចេញពីឋាននរកនេះ «ទាំងព្រលឹងមិននៅក្នុងខ្លួន» ប៉ុន្តែចាប់ពីពេលនោះមក គាត់ចាប់ផ្តើមជីវិតរបស់គាត់សារជាថ្មី ជាមួយនឹងការស្លៀកពាក់ជាស្រ្តី ទុកសក់វែង...។
ការទទួលរងគ្រោះជាហូរហែររបស់គាត់នៅក្រោមរបបប៉ុល ពត គឺជាមូលហេតុដ៏សំខាន់នៃការសម្រេចចិត្តរបស់គាត់ ដើម្បីប្រែក្លាយជាសកម្មជនសិទ្ធិមនុស្សដ៏សកម្មមួយរូប តំណាងអោយមនុស្សភេទទីបី មនុស្សស្រឡាញ់ភេទដូចគ្នា និងស្រ្តីរកស៊ីផ្លូវភេទ។ សព្វថ្ងៃនេះ គាត់គឺជានាយិកាអង្គការក្រៅរដ្ឋាភិបាលមួយ ដែលមានឈ្មោះថា បណ្តាញបុរស-ស្រ្តី ដើម្បីអភិវឌ្ឍន៍កម្ពុជា (Network men women development Cambodia) ដែលជួយការពារសិទ្ធិស្រ្តីរកស៊ីផ្លូវភេទ និងមនុស្សស្រឡាញ់ភេទដូចគ្នាមួយចំនួនតូច។
លើកទឹកចិត្តដល់ជនរងគ្រោះផ្សេងទៀត ក្នុងការបរិហារអំពីអំពើហឹង្សារំលោភផ្លូវភេទ
លោកស្រី ស៊ូ សុធាវី បានអោយដឹងថាការធ្វើទុក្ខបុកម្នេញចំពោះមនុស្សភេទទីបីពីសំណាក់ទាហានខ្មែរក្រហមត្រូវបានធ្វើឡើងជាប្រព័ន្ធ និងរីករាលដាលនៅក្នុងប្រទេសកម្ពុជា។ ប៉ុន្តែ មានមនុស្សតិចតួចដែលអាចនៅរស់រានមានជីវិតដើម្បីធ្វើសាក្សីបញ្ជាក់ពីសកម្មភាពទាំងនោះ។
«ខ្ញុំសង្ឃឹមថាអ.វ.ត.ក នឹងទទួលស្គាល់ពីដំណើរជីវិតរបស់ខ្ញុំ។ បន្ទាប់ពីនេះ ខ្ញុំជឿជាក់ថាបញ្ហាផ្លូវចិត្តទាំងប៉ុន្មានរបស់ខ្ញុំនឹងបានធូរស្បើយឡើងវិញជាក់ជាមិនខាន»។
សម្រាប់មេធាវីរបស់លោកយាយស៊ូ សុធាវី គឺលោក Silke Studzinsky «ឧក្រិដ្ឋកម្មរំលោភផ្លូវភេទនៅសម័យខ្មែរក្រហម ដែលជាផ្នែកមួយនៃទំព័រប្រវត្តិសាស្រ្តដ៏ពិតប្រាកដិតរបស់ខ្ញុំ់ោះ។
ក់ពីក្រឹ្តនជីវិតដើម្បីធ្វើសាក្សីបញ្ជាក់ពីព្រឹកត្គេនឹងមិនមានការព្រួយបាាប់រំលោភ ត្រូវបានបំភ្លេចចោល និងនៅមិនទាន់មានការស៊ើបអង្កេតនៅឡើយនោះទេ»។ លោកមេធាវីជនជាតិអាល្លឺម៉ង់រូបនេះសង្ឃឹមថាករណីដំបូងនេះនឹង «បង្កឱកាសដ៏សមរម្យ ក្នុងការនិយាយទំលាយនូវអ្វីដែលបានលាក់កប់ទុកជាយូរមកហើយ ពាក់ព័ន្ធនឹងឧក្រិដ្ឋកម្មផ្លូវភេទ»។
|
