| គណបក្សសិទ្ធិមនុស្សស្នើរសុំអោយមានផ្ទះរដ្ឋសម្រាប់ដាក់ជួល |
| ααα Duong Sokha | |
| 09-05-2008 |
|
គណបក្សសិទ្ធិមនុស្ស(គសម)មានការព្រួយបារម្ភយ៉ាងខ្លាំងចំពោះការកើនឡើងយ៉ាង គំហុកនៃតម្លៃដីធ្លី ដែលធ្វើអោយប្រជាពលរដ្ឋដែលរស់នៅក្នុងទីប្រជុំជន ជា ពិសេសក្នុងរាជធានីភ្នំពេញ ប្រឈមមុខនឹងការគ្មានជម្រក។ នៅក្នុងសេចក្តីថ្លែងការណ៍មួយ នៅថ្ងៃទី៩ ខែឧសភា ឆ្នាំ ២០០៨ គសម បានប្រកាសថា ក្រុមគ្រួសារមន្ត្រីរាជការ ប៉ូលីស ទាហាន អាជីវករតូចតាច អ្នករត់ម៉ូតូឌុប រឺអ្នកធ្វើការតាមសណ្ឋាគារ ភោជនីយដ្ឋាន មានការកើនឡើងជាលំដាប់ ដែលតម្រូវអោយមានជម្រកបន្ថែមទៀត។ ដោយយោងតាមប្រភពចំណូលប្រចាំខែ មានត្រឹមតែ៤០ដុល្លារទៅ៦០ដុល្លារក្នុងមួយខែ មិនអាចទិញបានផ្ទះល្វែងមួយ ក្នុងតម្លៃជាង ៤ម៉ឺន ទៅ ៩ម៉ឺនដុល្លារបានឡើយ ព្រោះតម្លៃដីកើនក្នុងកំរិតអតិបរមាពី ១០០០ដុល្លារទៅ ២០០០ដុល្លារ ក្នុងមួយម៉ែត្រការ៉េ ក្នុងរាជធានីភ្នំពេញ។
គសមបានស្នើរអោយរដ្ឋាភិបាលសាងសង់ផ្ទះរដ្ឋសម្រាប់ជួល ក្នុងតម្លៃទាប រឺដាក់លក់ក្នុងតម្លៃថោកដោយកាត់ប្រាក់រំលោះបន្តិចម្តងៗ ផ្អែកតាមចំណូលប្រាក់ប្រចាំខែរបស់ពួកគេ។ ទង្វើបែបនេះ គឺជាការគិតគូរជាមុននិងជាការជួយសម្រួលបន្ទុកប្រជាពលរដ្ឋដែលបានរងគ្រោះដោយសារកំណើនថ្លៃខ្លាំងនៃដីធ្លី។ |
