| ជនភៀសខ្លួនជនជាតិភាគតិចវៀតណាមតំបន់ភ្នំ បានតវ៉ានឹងការបញ្ជូនខ្លួនរបស់ពួកគេទៅកាន់ ប្រទេសដើមវិញ |
| ααα ដួង សុខា និង ស្តេហ្វានី ហ្សេ | |
| 18-07-2008 |
|
« បដិសេធន៍ចំពោះការបញ្ជួនខ្លួនត្រលប់ទៅប្រទេសដើមដោយការបង្ខិតបង្ខំ» នេះជាសំដីតវ៉ារបស់ជនជាតិវៀតណាមតំបន់ភ្នំប្រមាណជាង១០០នាក់កាលពីថ្ងៃសុក្រទី ១៨ ខែកក្ដដាកន្លងទៅនេះ ។ ជនជាតិភាគតិចទាំងនោះបានលួចឆ្លងចូលមកកាន់ទឹកដីខ្មែរដោយខុសច្បាប់ ហើយថិតនៅក្រោមការការពាររបស់ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន(HCR) ។ ពួកគេបាននាំគ្នាមកឈរចាំនៅមុខក្លោងទ្វារជំរំរបស់ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (HCR) ដែលមានទីតាំងនៅក្នុងខណ្ឌ័ទួលគោកនៅក្នុងទីក្រុងភ្នំពេញ ។ នៅទីនោះពួកគេបានរង់ចាំចំលើយពីជោគវាសនារបស់ពួក៖ ពីការសុំសិទ្ធជ្រកកោនដែលរៀបចំដោយភ្នាក់ងារអង្គការសហប្រជាជាតិ រឺប្រសិនបើពួកគេមិនបំពេញលក្ខខណ្ឌដើម្បីទៅកាន់ប្រទេសទីបី, រឺក៏ពួកគេត្រូវត្រឡប់ទៅកាន់ប្រទេសមួយផ្សេងទៀតដែលរៀបចំដោយអាជ្ញាធរនៃព្រះរាជាណាចក្រកម្ពុជារឺក៏យ៉ាងណា ។
ប៉ុន្តែការតវ៉ាដែលបានធ្វើឡើងទាំងនេះ គឺកើតឡើងក្រោយពេលដែលជនភៀសខ្លួនចំនួន ២៦រូបទៀតត្រូវបានគេបញ្ជួនតាមឡានតាំងពីព្រឹកព្រលឹមទៅកាន់ព្រំដែនខ្មែរវៀតណាមដោយមានការត្រួតពិនិត្យយ៉ាងម៉ត់ចត់ពីសំណាក់អាជ្ញាធរខ្មែរ ។
តាមការនិយាយរៀបរ៉ាប់ពីម្នាក់ដែលគេកំរឃើញមានចេះនិយាយភាសាខ្មែរបានបានរៀបរ៉ាប់ថា៖« ប្រសិនបើគេបញ្ជូនពួកយើងអោយត្រលប់ទៅកាន់ប្រទេសដើមវិញនោះ ពួកយើងប្រហែលនឹងត្រូវស្លាប់ ! ពួកដែលត្រូវគេបញ្ជូនទៅកាន់ប្រទេសវៀតណាមវិញនោះ និងរាប់រយនាក់ទៀតត្រូវធ្វើទុក្ខបុកម្នេញ និងខ្លះទៀតត្រូវគេដាក់ថ្នាំបំពុល រឺក៏ត្រូវចាប់ដាក់គុកដោយអាជ្ញាធរវៀតណាម ។ តាំងពីទទួលបានដំណឹងនេះមក ពួកយើងមានការភ័យខ្លាចយ៉ាងខ្លាំងដោយខ្លាចគេបញ្ជូនទៅប្រទេសកំណើតវិញ » ។ បុរសនោះបានបន្ថែមទៀតថា៖«ពួកយើងក៏បានធ្វើការទាមទារសេរីភាពគោរពសាសនាផងដែរពីអាជ្ញាធរវៀតណាម ។ នៅទីនោះពួកគេមិនអនុញ្ញាត្តិអោយគោរពសាសនាគ្រឹស្ដទេ » ។
យោងតាមប្រសាសន៍លោក Toshi មន្រ្តីទទួលបន្ទុកការពារជនភៀសខ្លួននៃអង្គការសហប្រជាជាតិបានមានប្រសាសន៍ថា បច្ចុប្បន្ននេះជនភៀសខ្លួនជនជាតិភាគតិចវៀតណាមតំបន់ភ្នំ ចំនួនប្រហែល ៤៥០នាក់នៅជ្រកកោននៅជំរុំរបស់អង្គការសហប្រជាជាតិនៅក្នុងទីក្រុងភ្នុំពេញ ។ លោកបានបញ្ចាក់ផងដែរថា៖« យើងបានសំរេចថាពួកគេមិនមែនជាជនភៀសខ្លួនទេ។ ដូច្នេះក្នុងករណីនេះ អាណត្តិនៃការងារយើងមិនអាចអនុញ្ញាត្តិអោយយើងទុកគេបានទេ »។
លោកToshiដដែលបានបញ្ជាក់ថា រយៈពេលពីរខែមកហើយការហូរចូលមិនឈប់ឈររបស់ជនភៀសខ្លួនជនជាតិភាគតិចវៀតណាមតំបន់ភ្នំមានសភាពស្ងប់ស្ងត់ហើយគេក៏មិនបានរកឃើញជនភៀសខ្លួនថ្មីទៀតដែរដែលចូលមកកាន់ទឺកដីនៃប្រទេសកម្ពុជា ។
|
