| កីឡាករប្រដាល់កម្ពុជាពីររូបឈ្នះខ្សែក្រវ៉ាត់ប្រដាល់ សេរីជើងឯកពិភពលោក |
| ααα កាសែត | |
| 29-08-2008 |
កីឡាករប្រដាល់កម្ពុជាពីររូប គឺកីឡាករមាស ចន្ថា និងវ័ន វីវ៉ា បានឈ្នះ ខ្សែក្រវ៉ាត់ប្រដាល់សេរីជើងឯកពិភពលោក ISKA នៅយប់ថ្ងៃព្រហស្បតិ៍ ទី២៨ សីហា នៅឯពហុកីឡាដ្ឋានអូឡាំពិច ក្នុងរាជធានីភ្នំពេញ។
កីឡាករវ័ន វីវ៉ា ប្រកួតក្នុងប្រភេទទម្ងន់៧៥គីឡូក្រាម បានប្រកួតឈ្នះកីឡាករជនជាតិអាល្លឺម៉ង់ Alban Ahmedi ហើយកីឡាករ មាស ចន្ថា រហស្សនាម «នាគ» បានប្រកួតឈ្នះកីឡាករជនជាតិអង់គ្លេស ក្នុងប្រភេទទម្ងន់៦៨គីឡូក្រាម។
ការប្រកួតដណ្តើមខ្សែក្រវ៉ាត់ពិភពលោកនេះត្រូវបានរៀបចំឡើងដោយសមាគមប្រដាល់សេរីអន្តរជាតិ (ISKA) ដែលជាសហព័ន្ធកីឡាប្រដាល់អន្តរជាតិ។
ការប្រកួតផ្សេងទៀតរួមមាន សឿង កងសាន ប្រកួតជាមួយជៀម អាដាម ធុន សុភា ប្រកួតនឹងជ័យ កុសល អ៊ឹម វុទ្ធា ប្រកួតនឹង Jacob Marks និង Tim Thomas ប្រកួតនឹងពេជ្រ សុផាន់។
|
