| ហោ ណាំហុងៈ ការដាក់ប្រាសាទព្រះវិហារក្នុងបញ្ជី បេតិកភណ្ឌពិភពលោកមិនធ្វើអោយប្រទេសថៃបាត់បង់ទឹកដីមួយចំអាមដៃ |
| ααα ដួង សុខា | |
| 27-06-2008 |
ឆ្លើយតបទៅនឹងសំណួររបស់អ្នកសារព័ត៌មាន ពាក់ព័ន្ធនឹងដំណើរការចុះបញ្ជីប្រាសាទព្រះវិហារ ក្នុងបញ្ជីបេតិកភណ្ឌពិភពលោករបស់អង្គការយូណេស្កូ ដែលនឹងប្រព្រឹត្តទៅពីថ្ងៃទី ២ ដល់ថ្ងៃទី១២កក្កដា ខាងមុខ នៅទីក្រុងកេបិច ប្រទេសកាណាដា លោករដ្ឋមន្រ្តីការបរទេសហោ ណាំហុង បានសំដែងការសោកស្តាយយ៉ាងខ្លាំង ដែលគណបក្សនយោបាយខ្លះនៅប្រទេសថៃ បានយកបញ្ហាព្រះវិហារធ្វើជាបញ្ហាតស៊ូផ្ទៃក្នុងរបស់ខ្លួន ដើម្បីផ្តួលរលំរដ្ឋាភិបាលថៃបច្ចុប្បន្ន។
ការធ្វើអាជីវកម្មលើប្រាសាទព្រះវិហាររបស់គណបក្សថៃមួយចំនួន បានធ្វើអោយប៉ះពាល់ដល់មិត្តភាព និងសហប្រតិបត្តិការដ៏ល្អរវាងព្រះរាជាណាចក្រទាំងពីរ។ លោកឧបនាយករដ្ឋមន្ត្រីបានធានាអះអាងថា«ការធ្វើប្លង់ប្រាសាទព្រះវិហារ ដើម្បីចុះក្នុងបញ្ជីបេតិកភណ្ឌពិភពលោក ឥតមានប៉ះពាល់អ្វីទាល់តែសោះដល់បញ្ហាព្រំដែន។ ប្រទេសថៃក៏អត់មានបាត់ដីមួយចំអាមដៃ រឺមួយសង់ទីម៉ែត្រក៏អត់ដែរ។ ចំពោះបញ្ហាព្រំដែន គណៈកម្មាធិការចម្រុះព្រំដែននៃប្រទេសទាំងពីរកំពុងបន្តពិនិត្យកិច្ចការនេះ»។
|
