ថ្ងៃទី២០​វិច្ឆិកា​២០០៧​នៅអង្គជំនុំជម្រះវិសាមញ្ញក្នុងតុលាការកម្ពុជា
(Photo John Vink/Magnum)

មនុស្សមួយចំនួនសំដែងការមិនសប្បាយចិត្តទៅនឹងបញ្ហាបច្ចេកទេស ដែលកើត​មានឡើងនៅក្នុងសវនាការជាសាធារណៈលើកដំបូងនៃអង្គបុរេជំនុំជម្រះវិសាមញ្ញ​ក្នុងតុលាការកម្ពុជា។

ម្យ៉ាងវិញទៀត ភាពទន់ខ្សោយនៃកំរិតការបកប្រែរបស់អ្នកបកប្រែផ្ទាល់មាត់ ជា​ពិសេសភាសាបារាំង បានបង្កជាការលំបាកដល់អ្នកស្តាប់ក្នុងការស្វែងយល់​អត្ថន័យ​នៃកិច្ច​ពិភាក្សានៅក្នុងសវនាការ។ សហព្រះរាជអាជ្ញា រ៉ូប៊ែរ ប៉ឺតទី និង​មេធាវី ហ្វ្រង់ស័រ រូ ក៏មានការមិនពេញចិត្ត និង ថែមទាំងមានការព្រួយ​បារម្ភ​ចំពោះបញ្ហានេះផងដែរ។

បន្ថែមពីនេះ ការបញ្ជូនរូបភាពវីដេអូពីសវនាការនិងប្លង់នៃការថត មិនមាន​លក្ខណៈ​ល្អប្រសើរ ព្រោះរូបភាព និងសំដីរបស់អ្នកនិយាយ តែងតែមិនស៊ី​ចង្វាក់​គ្នា។ ទាំងនេះចោទជាបញ្ហា ពីព្រោះរូបភាពទាំងនេះនឹងក្លាយ​ជាឯកសារ​សម្រាប់​ប្រវត្តិសាស្រ្តប្រទេសកម្ពុជា និងប្រវត្តិសាស្រ្តតុលាការអន្តរជាតិ។

* សាលាក្តីខ្មែរក្រហមប្រើប្រាស់ភាសាផ្លូវការចំនួនបី គឺ ភាសាខ្មែរ ភាសាអង់គ្លេស និងភាសាបារាំង។