© John Vink / Magnum ពីលី វង្ស (Pily Wong) មានសេចក្តីត្រូវការចំនួនពីរ នោះគឺរថយន្ត និងព័ត៌មាន វិទ្យា។ ជនជាតិបារាំងដើមកំណើតខ្មែរកាត់ចិនរូបនេះ គឺជាតំណាងស្របច្បាប់ នៃក្រុមហ៊ុន Mercedes ប្រចាំប្រទេសកម្ពុជា។ លោកបានមករស់នៅប្រទេស កម្ពុជា តាំងពី៥ឆ្នាំមុន ហើយលោកទើបតែសម្រេចក្តីស្រមៃទីពីររបស់លោក។ តាំងពីដើមខែមីនាមក លោកគឺជាអគ្គនាយកក្រុមហ៊ុន Microsoft MDP Cambodia ដែលជាសាខាប្រចាំតំបន់ថ្មីមួយនៃក្រុមហ៊ុនដ៏ល្បីល្បាញក្នុង ពិភពលោក។ អ្នកជំនួញរូបនេះមានអាយុ៣២ឆ្នាំ បានបញ្ចប់សញ្ញាបត្រផ្នែក គណិតវិទ្យា ព័ត៌មានវិទ្យា និងពាណិជ្ជកម្មអន្តរជាតិ ហើយលោកគឺជាអ្នកគ្រប់ គ្រងការិយាល័យដែលមានសមាជិកប្រាំរូប ស្ថិតនៅភាគខាងត្បូងនៃមហាវិថី នរោត្តម។ លោកបានពន្យល់លំអិតប្រាប់កាសែត ពីយុទ្ធសាស្ត្រនៃក្រុមហ៊ុនដ៏ ល្បីល្បាញ ដែលត្រូវបានបង្កើតឡើងដោយលោក ប៊ីល ហ្គេតនេះ ទាក់ទង នឹងកំណើនសេដ្ឋកិច្ច ការការពារកម្មសិទ្ធិបញ្ញា និងគំនិតរៀបចំបង្កើត Windows ជាភាសាខ្មែរ។
កាសែតៈ តើហេតុអ្វីបានជាបង្កើតតំណាងក្រុមហ៊ុន Microsoft ប្រចាំប្រទេសកម្ពុជា ក្នុងឆ្នាំ២០០៨នេះ?
Pily Wong : កាលពីមុន ប្រទេសកម្ពុជាមិនទាន់បានត្រៀមខ្លួនរួចជាស្រេចទេ។ ការចូលជាសមាជិកអង្គការពាណិជ្ជកម្មពិភពលោករបស់ប្រទេសកម្ពុជា នៅ ថ្ងៃទី ១៣ តុលា ២០០៤ បានជម្រុញអោយមានការបង្កើតច្បាប់ស្តីពីកម្មសិទ្ធិ បញ្ញា។ ជាពិសេស បច្ចុប្បន្ននេះ ប្រទេសកម្ពុជាមានសេដ្ឋកិច្ចរីកចម្រើនខ្លាំង។ ទាំងនេះទាក់ទងទៅនឹងយុទ្ធសាស្ត្រក្នុងតំបន់ គឺ ពីប្រទេសមួយទៅប្រទេសមួយ ទៀត។ ជាបឋម ក្រុមហ៊ុន Microsoft សម្រេចបើកសាខានៅក្នុងទីផ្សារប្រទេស វៀតណាម ដែលជាប្រទេសធំជាង មានប្រជាជនចំនួន ៨០លាននាក់។ ក្រុមហ៊ុននេះមានវត្តមាននៅក្នុងប្រទេសវៀតណាមអស់រយៈពេលដប់ឆ្នាំមក ហើយ ប៉ុន្តែ ត្រឹមរយៈពេល៤ឆ្នាំចុងក្រោយនេះ សកម្មភាពមានការរីកចម្រើនគួរ អោយកត់សម្គាល់។ ចាប់តាំងពីពេលនោះមក ក្រុមហ៊ុនវៀតណាម Microsoft បានបំបែកឯកត្តកម្មរបស់ខ្លួន។ ជម្រើសបន្ទាប់គឺជាប្រទេសកម្ពុជា ដែលនឹងត្រូវ យកលំនាំតាមប្រទេសជិតខាងរបស់ខ្លួន ជាពិសេស ទាក់ទងនឹងការវិនិយោគ ទុនបរទេស។ វិស័យព័ត៌មានវិទ្យា និងកំណើនសេដ្ឋកិច្ចគឺចំណុះគ្នាទៅវិញ ទៅមក។ កាសែតៈ តើអតិថិជនប្រភេទណា ដែលជាគោលដៅរបស់ក្រុមហ៊ុន Microsoft MDP Cambodia ?
PW : អតិថិជនចំបងរបស់យើងគឺជាអ្នកដែលត្រូវការសុវត្ថិភាពព័ត៌មានវិទ្យា និង ចង់អោយមានការគោរពកម្មសិទ្ធិបញ្ញា។ អតិថិនជនដំបូងគេគឺបណ្តាក្រុមហ៊ុនធំៗ។ ក្រុមហ៊ុនទាំងនោះមានមធ្យោបាយវិនិយោគទុន និងធ្វើការជាមួយ បរទេស ជាហេតុតម្រូវអោយមានទំនាក់ទំនងមួយដ៏គួរអោយទុកចិត្តបាន។ ពួកគេក៏កាន់តែយកចិត្តទុកដាក់ ក្នុងការមានវត្ថុប្រើប្រាស់ ដែលគេហៅថា «របស់ងាយស្រួលប្រើ»។ ឧទារហណ៍ ធនាគារត្រូវធានាចំពោះអតិថិជនរបស់ ខ្លួន ហេតុដូច្នេះ ត្រូវបំពាក់នូវកម្មវិធីព័ត៌មានវិទ្យាដែលទុកចិត្តបាន។ ផលិតផល នាំមុខរបស់យើង សុទ្ធសឹងជាកម្មវិធីថ្មីៗ ដូចជាWindows Office និងកម្មវិធី សម្រាប់ម៉ាស៊ីនមេ (Application Server)។ ប៉ុន្តែ ប្រទេសកម្ពុជាក៏មានទីផ្សារធំ សម្រាប់កម្មវិធីថ្មីៗ ដែលជួយសម្រួលក្នុងការគ្រប់គ្រងការផលិត និងការ ស្តុក...។ យើងមានផលចំណេញមួយនៅទីនេះ នោះគឺ ប្រជាជនកម្ពុជាមានការ ចាប់អារម្មណ៍ចំពោះឧបករណ៍ព័ត៌មានវិទ្យា និងការស្រាវជ្រាវរកដំណោះ ស្រាយ ដែលផ្តល់ភាពងាយស្រួលនៅក្នុងជីវិត។ កាសែតៈ តើលោកមានទស្សនវិស័យអភិវឌ្ឍន៍អ្វីខ្លះ?
PW : ទីផ្សារកម្ពុជាមានលក្ខណៈតូចចង្អៀតនៅឡើយ បើប្រៀបធៀបជាមួយនឹង ប្រទេសវៀតណាម។ ប៉ុន្តែ តាមរយៈអត្រាកំណើន ប្រទេសកម្ពុជាមាន សក្តានុពលខ្ពស់ លើសគេក្នុងតំបន់។ ប្រទេសវៀតណាមមានការរីកចម្រើន ខ្លាំងរួចទៅហើយ។ ទីនេះ ក្រុមហ៊ុនMicrosoft ចាប់ផ្តើមដោយដៃទទេរ និងមាន ការវិវត្តន៍ទៅមុខ។ យើងមិនទាន់មានតួលេខណាមួយឡើយនៅពេលនេះ ប៉ុន្តែ យើងធ្វើការ ដោយមានកិច្ចសហការជាមួយនឹងអ្នកចែកចាយក្នុងតំបន់ ដើម្បី វាយតម្លៃទស្សនៈវិស័យ។ នៅទីនេះ ពាណិជ្ជកម្មរបស់យើងមានដំណើរការជា រៀងរាល់ថ្ងៃ ដោយជួបនូវការលំបាកខ្លះៗ ។ យើងនឹងស្ថិតនៅទីនេះ ទោះបីជា មានរឿងអ្វីកើតឡើងក៏ដោយ ព្រោះនេះគឺជាការវិនិយោគទុនរយៈពេលវែង។ កាសែតៈ តាំងនាមជាសមាជិកអង្គការពាណិជ្ជកម្មពិភពលោក ប្រទេសកម្ពុជាត្រូវ គោរពច្បាប់អន្តរជាតិស្តីពីកម្មសិទ្ធិបញ្ញា ចាប់ពីពេលនេះ រហូតដល់ឆ្នាំ២០១៣។ ក្នុងការបើកសាខានៅក្នុងព្រះរាជាណាចក្រកម្ពុជា មុនរយៈពេលកំណត់ប្រាំឆ្នាំនេះ តើក្រុមហ៊ុន Microsoft មានគោលបំណងទាញផលចំណេញពីដំណើរការ និងបម្រើការងារជាមួយអាជ្ញាធរ ដែររឺទេ?
PW : បញ្ហាកម្មសិទ្ធិបញ្ញាគឺជាបញ្ហាចំបងទីពីរ។ អាទិភាពសម្រាប់អតិថិជនរបស់ យើងគឺសុវត្ថិភាព។ ការទិញអាជ្ញាប័ណ្ណមិនត្រឹមតែអនុញ្ញាតិអោយលោកអ្នក ទទួលបាននូវ CD និងឯកសារពន្យល់ពីវិធីប្រើប្រាស់ ប៉ុណ្ណោះទេ លោកអ្នកអាច ទទួលបាននូវការធ្វើអោយកម្មវិធីទាន់សម័យ ( Update) ជំនួយផ្នែកបច្ចេកទេស និងសេវាកម្មផ្សេងៗ។ ការប្រយុទ្ធប្រឆាំងនឹងការលួចចម្លងមិនមែនជាគោល បំណងរបស់យើង និងក៏មិនមែនជាបេសកកម្មរបស់ Microsoft ឡើយ។ វាគឺជា តួនាទីរបស់ BSA [Business Software Alliance] ដែលជាសមាគមតំណាង ក្រុមហ៊ុនធំៗ។ អតិថិជនរបស់យើងខ្ញុំមិនត្រូវចាត់ទុកពួកយើងជានគរបាល ឡើយ។ យើងនៅទីនេះដើម្បីគាំទ្រដល់ទីផ្សារ និងផ្តល់សេវាកម្មមួយ។ កាសែតៈ តើមូលហេតុអ្វីបានជា នៅក្នុងពិធីបើកដំណើរការការិយាល័យនេះ លោកជ្រើសរើសពាក្យស្លោកថា «សូមប្រើផលិតផលដើម» ដែលបញ្ជាក់យ៉ាង ច្បាស់ពីកម្មសិទ្ធិបញ្ញា?
PW : «សូមប្រើផលិតផលដើម» នេះគឺជាផ្លាកយីយោដែលបញ្ជាក់ពីគុណភាព មួយនិងការអញ្ជើញមួយ។ កាសែតៈ តើលោកនឹងទាក់ទាញអោយអ្នកប្រើប្រាស់ខ្មែរបង់ប្រាក់៤០០ដុល្លារ សម្រាប់កម្មវិធីព័ត៌មានវិទ្យាមួយយ៉ាងដូចម្តេច ស្របពេលដែលកម្មវិធីក្លែងក្លាយ មានតម្លៃត្រឹមតែ២ដុល្លារប៉ុណ្ណោះ?
PW : នៅក្នុងលក្ខខ័ណ្ឌបច្ចុប្បន្ននេះ យើងមិនអាចទំនាក់ទំនងទៅគ្រប់គ្នាបាន នោះទេ។ យើងកំពុងតែគិតពីបញ្ហានេះ។ ដូច្នេះ យើងនឹងព្យាយាមនាំមកនូវ កម្មវិធីដ៏មានគុណភាពមួយ។ នេះហើយគឺជាមូលហេតុដែលនាំអោយពួកយើង មានវត្តមាននៅទីនេះ។ យើងអាចផ្គត់ផ្គង់ជំនួយបច្ចេកទេសអោយបានកាន់តែ ច្រើន។ កាលពីមុន អតិថិជនរបស់យើងត្រូវពឹងពាក់ប្រទេសវៀតណាម។ យើង ក៏អាចធានារៀបចំនូវការបណ្តុះបណ្តាល។ យើងសូមនិយាយម្តងទៀតថា សារៈសំខាន់គឺសុវត្ថិភាព។ តើការប្រថុយគ្រោះថ្នាក់របស់ក្រុមហ៊ុន និងការសន្សំ ប្រាក់៤០០ដុល្លារ មួយណាមានតម្លៃថ្លៃជាង? កាសែតៈ តើមានការសិក្សាវាយតម្លៃរឺទេ ទៅលើការបាត់បង់បណ្តាលមកពីការលួចចម្លង?
PW: ទេ! យើងមិនមានតួលេខណាមួយឡើយ។ ប៉ុន្តែ នៅក្នុងទស្សនាវដ្តីDVD យើងឃើញមានកម្មវិធីព័ត៌មានវិទ្យា Microsoft ក្លែងក្លាយ តិចតួច។ យើងមិនទទួលរងនូវការប៉ះពាល់ធ្ងន់ធ្ងរដូចបណ្តាក្រុមហ៊ុនផ្សេងៗឡើយ។ ផ្ទុយទៅវិញ យើងមានអតិថិជនច្រើនជាងគេ! កាសែតៈ ដូច្នេះ នេះគឺជាការប្រតិបត្តិការអត់អោនរឺ?
PW : យើងគឺជាអ្នកប្រាដកនិយម។ មិនមែនមានន័យថាយើងអនុគ្រោះឡើយ ប៉ុន្តែយើងធ្វើការវាយតម្លៃកំរិតនៃការអភិវឌ្ឍន៍ប្រទេសដែលយើងបានធ្វើការិនិយោគ។ យើងមិនចង់អោយប្រទេសជាតិដើរថយក្រោយ ដោយសារតែការ បង្ខំអោយគេទិញទំនិញរបស់យើងនោះទេ។ កាសែតៈ ការលួចថតចម្លងបានជួយផ្សព្វផ្សាយផលិតផលរបស់លោក ទៅកាន់ អ្នកប្រើប្រាស់ដែលនឹងក្លាយជាអតិថិជនរបស់លោកនាពេលអនាគតដែររឺទេ?
PW : ជាការពិតណាស ទាំងនេះអាចជួយពួកយើងដោយមិនផ្ទាល់។
កាសែតៈ ក្រុមហ៊ុន Microsoft ត្រូវបានចោទគេប្រកាន់នៅទ្វីបអឺរុប ពីបទប្រឆាំងនឹងការប្រកួតប្រជែង និង ជានិច្ចកាល ត្រូវបានគេយល់ឃើញ ដូចជាសញ្ញាសកលភាវូបនីយកម្ម តើវាគឺជាគុណវិបត្តិដែររឺទេ?
PW : ទស្សនៈវិស័យនេះប្រែប្រួល ទៅតាមប្រទេស។ ការមិនពេញចិត្តកើតមាននៅក្នុងប្រទេសអភិវឌ្ឍន៍ជាច្រើន។ ប៉ុន្តែ នៅទីនេះ ក្រុមហ៊ុន Microsoft យល់ឃើញថាមានផលវិជ្ជមានច្រើនជាង។ ប្រជាជនកម្ពុជាចូលចិត្តកម្មវិធីព័ត៌មានវិទ្យារបស់យើង គ្រប់គ្នាប្រើប្រាស់កម្មវិធី Windows ហើយពួកគាត់យល់ឃើញថាMicrosoft មានការវិវត្តន៍ទៅមុខជានិច្ច ដោយមានចេញនូវកម្មវិធីថ្មីៗជាទៀតទាត់។
កាសែតៈ អង្គការជាច្រើននៅប្រទេសកម្ពុជា មានគោលបំណងពង្រឹងការប្រើប្រាស់កម្មវិធីព័ត៌មានវិទ្យាសេរី (Open source)។ តើលោកយល់ឃើញថាអង្គការទាំងនេះ ហាក់បីដូចជាចង់ធ្វើការប្រកួតប្រជែងដោយផ្ទាល់ដែររឺទេ?
PW : យើងសូមស្វាគមន៍រាល់កម្មវិធី Open source
កាសែតៈ តើក្រុមហ៊ុន Microsoft នឹងបើកលេខកូដដើម នៃកម្មវិធីព័ត៌មានវិទ្យារបស់ខ្លួនដែររឺទេ ?
PW : ទេ។ ប៉ុន្តែ យើងនឹងជួយជម្រុញកម្មវិធីព័ត៌មានវិទ្យាសេរី។ ទាំងនេះគឺជាកម្មវិធីល្អៗ នៅតាមខេត្ត និងតំបន់ដែលមិនមានអំណោយផលល្អ។ វាប្រៀបបានដូចជាយើងទើបបានប័ណ្ណបើកបរអញ្ជឹងៈ ដំបូង យើងមានរថយន្តតូចមួយ មុននឹងមានរថយន្តទំនើបមួយ។
កាសែតៈ តើកម្មវិធីWindows ជាភាសាខ្មែរ នឹងត្រូវបង្កើតឡើងដែរឬទេ?
PW : ប្រាកដណាស់។ យើងកំពុងតែរៀបចំធ្វើការសាកល្បង។ យើងនឹងព្យាយាម បើទោះបីជាទីផ្សារតូចចង្អៀតក៏ដោយ។ លោក ប៊ីល ហ្គេត គឺជាអ្នកមានទស្សនៈវិស័យម្នាក់ និងចង់អោយគ្រប់គ្នាអាចទទួលបាននូវព័ត៌មានវិទ្យា ជាពិសេសតាមរយៈភាសា។ ក្រុមការងាររបស់ Microsoft ដែលមានទីស្នាក់ការនៅ Redmond (សហរដ្ឋអាមេរិក) គឺជាអ្នកទទួលខុសត្រូវ និងបានធ្លាប់ធ្វើការសាកល្បងបច្ចេកទេសរួចមកហើយ ប៉ុន្តែ មិនទាន់មានថ្ងៃណាមួយកំណត់ច្បាស់លាស់ឡើយ។ នេះគឺជាការវិនិយោគទុនរយៈពេលវែង ដែលទាក់ទងនឹងទស្សនវិជ្ជារបស់Microsoft: ផ្តល់ភាពងាយស្រួលដល់មនុស្សគ្រប់រូប។
តាមលំនាំនៃប្រទេសវៀតណាម
លោក Chris Atkinson ប្រធានក្រុមហ៊ុន Microsoft ប្រចាំតំបន់អាស៊ីអាគ្នេយ៍ បានគូសបញ្ជាក់នៅក្នុងពិធីសម្ភោធការិយាល័យកម្ពុជានៃក្រុមហ៊ុន Microsoft នៅថ្ងៃទី២៥ មីនា ២០០៨ ថាក្រុមហ៊ុន Redmond នឹងយកគម្រូតាមសេដ្ឋកិច្ចដែលបានអនុវត្តនៅប្រទេសវៀតណាម មកអនុវត្តនៅប្រទេសកម្ពុជាម្តង។ បន្ទាប់ពីមានវត្តមាននៅក្នុងប្រទេសជិតខាងអស់រយៈពេលជាង១០ឆ្នាំផ្លាយរួចមក ក្រុមហ៊ុន Microsoft មានសន្ទុះការងារកាន់តែខ្លាំងឡើង ត្រឹមរយៈពេលពីបីទៅបួនឆ្នាំចុងក្រោយនេះ។ កាលពីខែ ឧសភា ២០០៦ លោក ប៊ីល ហ្គេត បានចុះកិច្ចព្រមព្រៀងជាមួយនឹងរាជរដ្ឋាភិបាលវៀតណាម ដោយគ្រោងនឹងផ្តល់អាជ្ញាប័ណ្ណអោយប្រើប្រាស់កម្មវិធីព័ត៌មានវិទ្យាស្របច្បាប់។ យោងតាម BSA ចន្លោះឆ្នាំ២០០៣ ដល់ ២០០៦ ខណៈពេលដែលចំនួនអ្នកប្រើប្រាស់ កម្មវិធីព័ត៌មានវិទ្យាបានកើនឡើង អត្រានៃការលួចចម្លងបានថយចុះ ៤ខ្ទង់ ។
ការលួចថតចម្លងកម្មវិធីព័ត៌មានវិទ្យានៅទ្វីបអាស៊ី
នៅតំបន់អាស៊ីប៉ាស៊ីភិច Business Software Alliance បានវាយតម្លៃថា នៅឆ្នាំ២០០៦ កម្មវិធីព័ត៌មានវិទ្យាចំនួនហាសិបភាគរយដែលប្រើប្រាស់គឺជាកម្មវិធីលួចថតចម្លង ដែលជាការបាត់បង់មួយសម្រាប់ឧស្សាហកម្មចំនួន ៧,៥កោដិ៍ដុល្លារ។ BSA មិនបានវាយតម្លៃលំអិតសម្រាប់ប្រទេសកម្ពុជាឡើយ រីឯនៅតាមបណ្តាយប្រទេសផ្សេងៗ មានអត្រាលួចថតចម្លង៨៦%។ ប្រទេសវៀតណាមប្រើប្រាស់កម្មវិធីខុសច្បាប់ ចំនួន៨៨% ខណៈពេល ដែលប្រទេសឥណ្ឌូណេស៊ី មាន៨៥% ចិន៨២% និងប្រទេសថៃមាន៨០%។
ការបាត់បង់ថវិការាប់កោដិ៍ដុល្លារ
សហរដ្ឋអាមេរិកមានអត្រាលួចថតចម្លងទាបបំផុតនៅក្នុងពិភពលោក ដោយមានត្រឹមតែ២០%។ ប៉ុន្តែ ការបាត់បង់ចំនួន២០%នេះ បានបង្កអោយមានការខាតបង់ដ៏ធំបំផុតនៅលើលោក គឺចំនួន ៧,២%។ នៅក្នុងចំណាត់ថ្នាក់នៃការខាតបង់របស់ក្រុមហ៊ុនBSA តាមតំបន់ដែលខ្លួនមានសកម្មភាព គេឃើញថានៅប្រទេសចិនខាត ៥,៤កោដិ៍ដុល្លារ និងប្រទេសបារាំងខាត២,៦កោដិ៍ដុល្លារ(៤៥%)។
| 
