អង្គការស្ត្រីនៃក្តីសង្ឃឹម

Positive Women of Hope Organization

(PWHO)

ប្រវត្តិរបស់អង្គការស្ត្រីនៃក្តីសង្ឃឹម (PWHO)

នៅថ្ងៃទី ១៧-២២ ខែ ឧសភា ឆ្នាំ ២០០៤ លោកស្រី បណ្ឌិត Susan Paxton ជាជនជាតិអូស្ត្រាលី និង ទីប្រឹក្សាបណ្តាញអ្នក ផ្ទុកមេរោគអេដស៍ប្រចាំនៅអាស៊ីប៉ាស៊ីហ្វិក ហៅកាត់ថា APN+(Asian Pacific of people living with HIV/AIDSNetwork) បានអញ្ជើញតំណាងស្ត្រីផ្ទុកមេរោគអេដស៍ គាត់បានអញ្ជើញ​តំណាងស្ត្រីដែលរស់នៅជាមួយមេរោគអេដស៍ប្រចាំ នៅកម្ពុជាចំនួន ០២នាក់ អោយទៅចូលរួមវគ្គ​បណ្តុះ​បណ្តាលស្តីអំពីមគ្គុទ្ទេសភាពជាអ្នកដឹកនាំ សំរាប់ស្ត្រីដែលរស់នៅជាមេរោគអេដស៍ ដើម្បី ឆ្លើយតបទៅ នឹង ការជួយទប់ស្កាត់ការរីករាលដាលនៃមេរោគអេដស៍/ជំងឺអេដស៍ប្រចាំតំបន់ ធ្វើនៅសណ្ឋាគារ JAYAKARTA ទីក្រុងបាលី ប្រទេសឥណ្ឌូនេស៊ី ដោយមានការឧបត្ថម្ភថ្លៃធ្វើដំណើរ និងការស្នាក់នៅពីអង្គការ the Policy Project ។ តំណាងស្ត្រីរស់នៅជាមួយមេរោគអេដស៍ចំនួន ០២រូបក្នុងនោះមានលោកស្រី ឌី ម៉ានី អ្នកសំរប​សំរួលគំរោងជីប៉ា អ្នកតស៊ូនៅក្នុងគំរោង ការចូលរួមយ៉ាងសកម្មរបស់អ្នកផ្ទុក HIV/AIDS (NUNV/GIPA Advocate in BBC WST ផងដែរ) ។ បន្ទាប់ពីសិក្ខាសាលានៅ ប្រទេសឥណ្ឌូនេស៊ី នេះមកតំណាងស្ត្រីទាំង ០២រូបនៅក្នុងមានឈ្មោះលោកស្រី ឌី ម៉ានី គាត់មានគំនិត ផ្តួចផ្តើម ដើម្បីរៀបចំសិក្ខាសាលាមួយ នៅទីក្រុង​ភ្នំពេញ ស្តីពីមគ្គុទ្ទេសភាពភាពជាអ្នកដឹកនាំ ដល់ស្ត្រីដែលរស់នៅជាមួយ មេរោគអេដស៍ បានរៀប​ចំឡើង​តំរូវទៅ តាមស្ថានភាពជាក់ស្តែង ឧបសគ្គ និងឱកាសនានា ដើម្បីពង្រីកការឆ្លើយតបទៅនឹងបញ្ហាអេដស៍ និងតំរូវការស្ត្រីផ្ទុក HIV/AIDS និងកុមាររងផលប៉ះពាល់ដោយសារ HIV/AIDS នាពេលបច្ចុប្បន្ន និងអនាគត​ឱ្យគុណភាពជីវិតកាន់តែប្រសើរ ឡើង។សិក្ខាសាលានេះ អាចដំណើរការទៅបាន គឺមានការ​ឧបត្ថម្ភពីអង្គការ The Policy Project និងបានជំនួយបច្ចេកទេស ក្នុងការបង្រៀនដោយលោកស្រី បណ្ឌិត Susan Paxton ទីប្រឹក្សាបណ្តាញអ្នកផ្ទុក HIV/AIDS ប្រចាំនៅអាស៊ីប៉ាស៊ីហ្វិក (APN+) ។

 

តាមអនុ​លោម​មាត្រាទី ៤២ នៃរដ្ឋធម្មនុញ្ញព្រះរាជាណាចក្រកម្ពុជាស្តីពីការផ្តល់សិទ្ធិបង្កើតអង្គការ ។ក្រោយពី​សិក្ខាសាលា នោះបានបញ្ចប់ក្រុមស្ត្រីដែលផ្ទុក HIV/AIDS ទាំងអស់បានស្វែងយល់ពីតម្រូវ​ការដែល​ពួក​គាត់​ចង់បាន និងមាន កង្វះខាតជីវភាពផ្សេងៗដែលបាន ជួបប្រទះនិងមានឆន្ទៈរួបរួមគ្នាក៍បាន​បង្កើតចេញ​ជា​អង្គការ​មួយ ដែលមានឈ្មោះថា “អង្គការ ស្ត្រីនៃក្តីសង្ឍឹម”អង្គការនេះបនាបង្កើត ឡើងនៅថ្ងៃទី ០៧ ខែ សីហា ឆ្នាំ ២០០៤ ដោយក្រុមស្ត្រី ដែលផ្ទុក HIV/AIDS ចនួំន ៣៨នាក់ ដែលមានសរសេរជាអក្សរកាត់ថា “អសស” និងជាភាសាអង់គ្លេស Positive of Hope Organization (PWHO) ក្នុងការតស៊ូមតិ​ស្វែងរកការ​គាំទ្រដើម្បីជួយដោះស្រាយ ជីវភាពប្រចាំថ្ងៃដល់ស្ត្រីដែលផ្ទុក HIV/AIDS និងជួយដល់​កុមារដែល​រងគ្រោះ​ដោយសារមេរោគអេដស៍/ជំងឺ អេដស៍ នៅក្នុងសហគមន៍ឱ្យមានគុណភាពជីវិតកាត់តែប្រសើរឡើងព្រមទាំង ចូលរួមក្នុងការឆ្លើយតបទៅ និង ការទប់ស្កាត់ការរីករាលដាលនៃមេរោគអេដស៍/ជំងឺអេដស៍ នៅក្នុង​ប្រទេសកម្ពុជា។

 

គោលដៅរបស់ស្ត្រីនៃក្តីសង្ឍឹម      លើកកំពស់គុណភាពជីវិតរបស់ស្ត្រីដែលរស់នៅជាមួយមេរោគអេដស៍និងកុមារដែលរង គ្រោះដោយ​សារ​មេរោគអេដស៍,មេរោគអេដស៍ឱ្យមាន គុណភាពជីវិតកាន់តែប្រសើរ ឡើងតាម រយៈការ​បណ្តុះ​បណ្តាល​ជំនាញ​វិជ្ជាជីវៈតាមបែបសិប្បកម្ម (កាត់ដេរការ បូបធ្វើអំពីកន្ទេល ហូល ឬផាមួង ) និងរស់នៅ​ដោយគ្មាន​ការរើស អើងពីសហគមន៍ជួយពង្រឹង និងបណ្តុះបណ្តាលស្ត្រីនៅក្នុងសហគនម៍​ដើម្បីឆ្លើយតប​និងការ​ជួយ​ទប់ស្កាត់ ការរីករាលដាលនៃមេរោគអេដស៍,ជំងឺអេសដ៍នៅក្នុងប្រទេសកម្ពុជា។

 

ហេតុអ្វីយើងបង្កើតអង្គការស្ត្រីនៃក្តីសង្ឃឹម ?

ចូលរួមកាត់បន្ថយការស្អប់ខ្ពើម ការរើសអើង និងជួយទប់ស្កាត់ការរីករាលដាល់នៃមេរោគអេដស៍ , ជំងឺ អេដស៍ នៅកម្ពុជា។

ពីព្រោះ ៖

- ប្រទេសកម្ពុជាជាប្រទេសមួយដែលប្រឈមមុខ នឹងការរីករាលដាលនៃជំងឺអេដស៍ដ៍ធ្ងន់ធ្ងរបំផុតក្នុង ចំណោមប្រទេស នៅក្នុងតំបន់អាស៊ី-អាគ្នេយ៍ ។

- ស្ត្រីផ្ទុកមេរោគ HIV/AIDS និងកុមាររងគ្រោះដោយសារមេរោគ HIV/AIDS ប្រឈមមុខនឹង បញ្ហាដូចជាៈ

  • ស្ត្រីផ្ទុកមេរោគ HIV/AIDS និងកុមាររងគ្រោះដោយសារមេរោគ HIV/AIDS នៅក្នុង ប្រទេសកម្ពុជាកំពុងតែប្រឈមមុខនឹងការរើសអើង
  • ស្ត្រីផ្ទុកមេរោគ HIV/AIDS និងកុមាររងគ្រោះដោយសារមេរោគ HIV/AIDS កំពុង ខ្វះការគាំទ្រពីក្រុមគ្រួសារនិងសង្គម
  • ស្ត្រីផ្ទុកមេរោគ HIV/AIDS និងកុមាររងគ្រោះដោយសារមេរោគ HIV/AIDS ពិបាក ទៅទទួលការថែទាំផ្នែកវេជ្ជសាស្ត្រ
  • ស្ត្រីផ្ទុកមេរោគ HIV/AIDS និងកុមាររងគ្រោះដោយសារមេរោគ HIV/AIDS ពិបាកទៅទទួលសេវា និងពត៌មានដែលត្រឹមត្រូវ
  • ស្ត្រីផ្ទុកមេរោគ HIV/AIDS និងកុមាររងគ្រោះដោយសារមេរោគ HIV/AIDS ពិបាក នឹងស្វែងរកការងារនៅពេលដឹងថាមានមេរោគអេដស៍វេជ្ជមាន
  • ស្ត្រីផ្ទុកមេរោគ HIV/AIDS ខ្វះជំនាញ និងមុខរបរ

 

គោលដៅរបស់ស្ត្រីនៃក្តីសង្ឍឹម

លើកកំពស់គុណភាពជីវិតរបស់ស្ត្រីដែលរស់នៅជាមួយមេរោគអេដស៍ និងកុមារដែលរងគ្រោះដោយសារមេរោគអេដស៍,មេរោគអេដស៍ ឱ្យមានគុណភាពជីវិតកាន់តែប្រសើរឡើង តាមរយៈការបណ្តុះបណ្តាលជំនាញ វិជ្ជា ជីវៈតាមបែបសិប្បកម្ម (កាត់ដេរការ បូបធ្វើអំពីកន្ទេល ហូល ឬផាមួង ) និងរស់នៅដោយគ្មានការ រើសអើងពីសហគមន៍ជួយពង្រឹង និងបណ្តុះបណ្តាល​ស្ត្រីនៅក្នុងសហគនម៍​ដើម្បីឆ្លើយតបទៅ និងការជួយទប់ស្កាត់ការ រីករាលដាលនៃមេរោគអេដស៍ , ជំងឺ អេសដ៍នៅក្នុង​ប្រទេសកម្ពុជា។គោលបំណងរបស់ស្ត្រីនៃក្តីសង្ឍឹម

 

បណ្តុះបណ្តាលជំនាញវិជ្ជាជីវៈបែបសប្បិកម្ម (កាត់ដេរការបូបធ្វើអំពីកន្ទេលហូលឬផាមួង) ដល់ស្ត្រីដែល ផ្ទុកមេរោគអេដស៍,ជំងឺអេដស៍ ដើម្បីអោយមានបំណិនក្នុងជីវិត សំរាប់ដោះ​ស្រាយបញ្ហ​ជីវភាព​ប្រចាំ​ថ្ងៃរបស់ពួកគេក៏ដូចជានាពេលអនាគត។

 

បង្កើតសប្បកម្មខ្នាតតូចដល់ក្រុមស្ត្រីផ្ទុកមេរោគអេដស៍,ជំងឺអេដស៍ និងជួយរកទីផ្សារសំរាប់លក់ផលិត ផលដែលក្រុមស្ត្រីផលិតបានដើម្បីដោះស្រាយជីវភាពប្រចាំថ្ងៃ និងជួយដល់កុមារដែលរងគ្រោះដោយសា រមេរោគអេដស៍,ជំងឺអេដស៍អោយបានចូលសាលារៀន និងសំរបសំរួលកុមារទាំងនោះ​អោយបាន​ចូល​មណ្ឌល ថែទាំ។

 

បង្កើនសមត្ថភាពចំណេះដឹង និងជំនាញផ្សេងៗទៅតាមលទ្ឋភាពរបស់ស្ត្រីដែលផ្ទុកមេរោគអេដស៍,ជំងឺ អេដស៍ដែលអាចធ្វើទៅបានដូចជា ៖ អ្នកអប់រំក្នុងសហគមន៍ អ្នកផ្តល់ប្រឹក្សា ក្នុងការប្រើប្រាស់ថ្នាំពន្យា ជីវិត,​ថ្នាំឪកាសនិយមផ្សេងៗ អ្នកផ្តល់ប្រឹក្សាមុន និងក្រោយធ្វើតេស្តឈាមរកមេរោគអេដស៍ អ្នកនិយាយ អប់រំ​តាម​វេទិការសាធារណះ រោងចក្រ សាលារៀន វគ្គបណ្តុះបណ្តាល សិក្ខាសាលា សិន្និសីទជាតិ និងអន្តរជាតិផ្សេងៗ ។

 

ចូលរួមកាត់បន្ថយការស្អប់ខ្ពើមការរើសអើង និងជួយទប់ស្កាត់ការរីករាលដាល់នៃមេរោគអេដស៍,ជំងឺ អេដស៍នៅកម្ពុជា។

 

សកម្មភាព ចំបងៗ:

១-ដេរកាបូបធ្វើអំពី (កន្ទេល ស៊ឹង ហូល ផាមួង)

២-កាត់សំលៀកបំពាក់ (បុរាណ និងសម័យ)

៣-តម្បាញ (ស៊ឹង)

៤-បញ្ជូនស្ត្រី និងកុមារផ្ទុកមេរោគអេដស៍ទៅទទួលសេវា ARV/OI ពីមន្ទីពេទ្យ

៥-មានបន្ទប់ពិគ្រោះសុខភាពស្ត្រី និងផ្តល់ប្រឹក្សា

៦-បានរៀបចំវគ្គបណ្តុះបណ្តាលជំហ៊ានជាន់ថ្មគ្រូបង្គោលទៅដល់អ្នករងគ្រោះ និងរងផលប៉ះពាល់ដោយសារ

៧-មរោគអេដស៍ /ជំងឺអេដស៍ (បុរស ស្ត្រី ក្មេងស្រី ក្មេងប្រុស)

៨-បានចុះទស្សនៈកិច្ចចែករំលែកបទពិសោធន៍ជាមួយអង្គការ DCWO

៩-ចុះអប់រំស្តីពីការបង្កើនចំណេះដឹងលើការព្យាបាលថ្នាំ OI/ARV ទៅដល់ស្ត្រីផ្ទុកមេរោគអេដស៍

១០- ផ្សព្វផ្សាយពីសម្ព័នប្រជាជនកម្ពុជាប្រយុទ្ធប្រឆាំងនិងជំងឺអេដស៍ (CACHA) ទៅដល់ស្ត្រីផ្ទុក​មេរោគ​អេដស៍/ជំងឺអេដស៍

១១-ធ្វើការតស៊ូមតិតាមរយះ សម្ព័នប្រជាជនប្រយុទ្ធប្រឆាំងនឹងជំងឺអេដស៍ (CACHA)ដូចជា: សិទ្ធិនារី ទិវាអុជ ភ្លើងទៀន និងទិវាអេដស៍១ធ្នូ

១២-ចូលរួមចំកិច្ចប្រជុំជាមួយ សហគមន៍ស្ត្រីផ្ទុកមេរោគអេដស៍នៅកម្ពុជា (CCW)

១៣-រៀបចំវេទិកាសហគមន៍ ស្តីពី កាយល់ដឹងពីមេរោគអេដស៍,ជំងឺអេដស៍

១៤-ចុះអប់រំផ្សព្វផ្សាយពី សុខភាពស្ត្រី ការចំលង ការបង្ការ កាថែទាំ និងគាំទ្រទៅដល់សហគមន៍ (ស្ត្រីផ្ទុកមេរោគអេដស៍ ស្ត្រីមេផ្ទះ បុរសជាប្តី យុវវ័យ..)នៅស្រុកកៀនស្វាយ ។

១៥-បញ្ជូនបុគ្គលិកអង្គការស្ត្រី ទៅរៀនភាសាអគ្លេស់ ។

 

 

ខាងក្រោមនេះគឺជាម៉ូតកាបូប រួមទាំងសំរង់តំលៃ

អង្គការស្ត្រីនៃក្តីសង្ឃឹម(អ.ស.ស)

POSITIVE WOMEN OF HOPE ORGANIZATION (WPHO)

Nş 312, Street 150, Toul Kork, Phnom Penh, Cambodia

Tel: (855) 12 852 942, 12 94 14 79, 12 681 475,  Email: pwho@yahoo.com

គំរូផលិតផល ២០០៧ - PRODUCTS CATALOGUE 2007

លេខ Code

មុខទំនិញ Description

រូបថត Photo

តំលៃ US$